Sankt-Peterburqda polkovnik-leytenant avtomobil partlayışında ölüb

Sankt-Peterburqda Kolpinskoye şosesində polkovnik-leytenant və həyat yoldaşının olduğu avtomobil partlayıb.

Hadisə səhər saat 10 radələrində Kolpinskoye şosesi, 18 ünvanında yerləşən “Maqnit” mağazasının yaxınlığında baş verib.

İlkin məlumatlara görə, avtomobildə əl istehsalı partlayıcı qurğu işə düşüb. Polkovnik-leytenant hadisə yerində ölüb.

Onun həyat yoldaşı ağır xəsarətlər alıb, o cümlədən ayaqlarını itirib. Qadın xəstəxanaya çatdırılıb və həkimlər onun həyatı uğrunda mübarizə aparırlar.