İran ABŞ-ı suverenliyi hədəfləməkdə ittiham etdi

İran Xarici İşlər Nazirliyinin sözçüsü İsmayıl Bəqayi ABŞ-ın İrana qarşı apardığı iqtisadi müharibənin təkcə İranı deyil, bütün ölkələrin milli suverenliyini hədəf aldığını bildirib. Bəqayi ABŞ-ın İrana qarşı yeni iqtisadi təşəbbüsünün beynəlxalq hüququn əsas prinsiplərini təhdid etdiyini vurğulayıb.

Bəqayi bəzi ölkələrin bu təşəbbüsə şərtsiz itaət etdiyini bildirərək, "Bir dəqiqə; əslində, böyük bir problem var", deyib. O, ABŞ-ın digər dövlətləri, bankları, iqtisadi müəssisələri, limanları və hava limanlarını Vaşinqtonun tələblərinə əməl etməyə məcbur etməsinin artıq yalnız İran məsələsi olmadığını söyləyib.

Beynəlxalq hüququn və Birləşmiş Millətlər Təşkilatının Nizamnaməsinin əsas qaydalarının təhlükədə olduğunu bildirən Bəqayi dövlətlərin suveren bərabərliyi və xalqların öz müqəddəratını təyinetmə hüququna hörmətin beynəlxalq hüququn əsas prinsipləri sırasında yer aldığını qeyd edib.