Apple-ın Sİ strategiyası zəifləyir

Apple-ın illərdir üstünlük sayılan aparat-proqram inteqrasiyası və məxfilik yanaşması süni intellekt yarışında artıq məhdudiyyət yaradan faktor kimi qiymətləndirilir.

Əsas məsələ ondan ibarətdir ki, sərt məxfilik qaydaları böyük həcmli istifadəçi məlumatlarına çıxışı məhdudlaşdırır. Halbuki müasir generativ Sİ modellərinin öyrədilməsi üçün nəhəng datalar tələb olunur. Bu səbəbdən Apple bəzi funksiyalar üçün Google Gemini kimi xarici həllərlə əməkdaşlığa getməli olur.

Digər mühüm məhdudiyyət qapalı ekosistem modelidir. Apple məhsulları yüksək keyfiyyət və optimallaşdırma baxımından güclü olsa da, bu yanaşma Sİ sahəsində sürətli eksperiment və açıq inkişaf proseslərini yavaşladır.

Şirkətin bazara gec daxil olması da əlavə təzyiq yaradır. Siri və “Apple Intelligence” kimi sistemlərdə tədrici yeniləmələr rəqiblərin (Google və Microsoft kimi) daha aqressiv, bulud əsaslı AI inkişafına çatmaqda çətinlik yaradır.

Yeni icraçı direktor John Ternus üçün əsas vəzifə Apple-ın güclü tərəflərini (xüsusilə çip və cihaz ekosistemi) qoruyaraq daha çevik cloud Sİ və tərəfdaşlıq strategiyası qurmaqdır. Analitiklər hesab edirlər ki, şirkətin bu istiqamətdə real nəticə göstərməsi üçün təxminən 1-1.5 il vaxtı var, əks halda bazar payı təzyiq altında qala bilər.