Ankara 22 ildən sonra NATO Sammitinə ev sahibliyi edəcək

Dünya diqqətini 7-8 iyul 2026-cı ildə NATO Sammitinin keçiriləcəyi Ankaraya yönəldib. Türkiyənin ev sahibliyi edəcəyi sammit zamanı mühüm qərarların qəbul olunacağı gözlənilir.

ABŞ Prezidenti Donald Trampın sammit çərçivəsində Suriya Prezidenti Əhməd Şara və Ukrayna Prezidenti Volodimir Zelenski ilə görüşü planlaşdırılır. Bu görüşlərdən sonra Tramp Vaşinqtona yeni Boeing 747 Air Force One təyyarəsi ilə qayıtmazdan əvvəl Ankarada mətbuat konfransı keçirəcək.

ABŞ-ın yüksək səviyyəli rəsmiləri NATO müttəfiqlərinin sammit zamanı milyardlarla dollar dəyərində müdafiə sazişləri elan edəcəyini bildiriblər. Tədbir ABŞ ilə Avropalı müttəfiqlər arasında gərginlik fonunda keçirilir və müzakirələrin NATO alyansının gələcəyinə fokuslanacağı gözlənilir.

Bu, son 22 ildə Ankarada keçirilən ilk NATO sammiti olacaq və Türkiyənin alyans daxilində əsas aktor kimi artan rolunu önə çıxaracaq.